... ومن بیر مدرن شوالیه

سون ساواشدان قاییدیرام

اوتوزموشام

               دویغولاریمی

               گنج لی ییمی

              و ان اونملی وارلیغیم

                               سئوگیلیمی

ایکی یول آیریجیندا دایانمیشام

تئهران - اردبیل جاداسیندا

                           بیری سی اومود سیز گله جه یه دوغرو

                          بیری سی عزراییل له اوز به اوز اولماق

اوتوبوسون ته هر لرینه تاپشیریرام یولون سئچیمینی. *

*(او زامان کی بیر شوالیه ایکی یول آیریجینا یئتیشر، یولون سئچیمینی آتینین عهده سی نه قویار)

۱۳۹۱/۲/۲۰

اردبیل - تئهران اوتوبوسو

اسامی داوران و برندگان بخش شعر فارسی سومین دوره جشنواره غیردولتی «آنامین یایلیغی»

اسامی داوران: 1- ناهید اللهوردیزاده 2- وحید علیرضایی 3- مهدی آقازاده     (هر 3 از اردبیل)

برندگان:

نفر اول: مریم حقیقت از شیراز

نفر دوم: علی سلیمانی از تهران

نفر سوم: مصطفی توفیقی از مشهد مقدس

تقدیری: محمد بهرام پور از اردبیل

* نمرات برتر بخش شعر فارسی پس از نمرات برندگان؛ به ترتیب: 1- وحید طلعت/ میاندوآب 2- بهرام خلیلی/ خوی 3- فاطمه حلیمیان/ مشهد 4- محمد حسن اسفندیارپور/ کرمان 5- مجید سعدآبادی/ تهران

اسامی داوران و برندگان بخش شعر ترکی سومین دوره جشنواره غیردولتی «آنامین یایلیغی»

اسامی داوران: 1- همت شهبازی/ پارس آباد 2- سید حیدر بیات/ قم 3- غفور خییولو/ مشگین شهر

برندگان: (شعر آزاد ترکی)

نفر اول: عیسی زینی از مشگین شهر

نفر دوم: زمان پاشازاده از پارس آباد

نفر سوم: رامین جهانگیرزاده از پارس آباد

تقدیری: وقار نعمت از کلیبر

* نمرات برتر بخش شعر ترکی آزاد پس از نمرات برندگان؛ به ترتیب: 1-  قادر جعفری/ پارس آباد 2- اکبر جمهری/ مشگین شهر 3- ابوالفضل ثوابی/ تبریز 4- پریناز اسکندری/ اردبیل 5- ایلقار موذن زاده/ مشگین شهر 6- سید مصطفی جمشیدی/ گرمی

برندگان: (شعر کلاسیک ترکی)

نفر اول: وحید قریشی از مرند

نفر دوم: محمدعلی جعفری از مشگین شهر

نفر سوم: یعقوب نیکزاد از مشگین شهر

* نمرات برتر بخش شعر ترکی کلاسیک پس از نمرات برندگان؛ به ترتیب: 1- ایواز عالی/ قرچک 2- وحید طلعت/ میاندوآب 3- نوروز لطف‌الهی/ جلفا 4- ابوالفضل ثوابی/ تبریز

اسامی داوران و برندگان بخش داستان ترکی سومین دوره جشنواره غیردولتی «آنامین یایلیغی»

اسامی داوران: 1- نگار خیاوی/ تبریز 2- حامد احمدی/ تبریز 3- واله شیری/ تبریز 4- حسین سلیمان پناه/ بناب

برندگان:

نفر اول: یاسر ارتشی از تبریز

نفر دوم: آیدین آراز از جلفا

نفر سوم: دومان اردم از جلفا

تقدیری: رقیه کبیری/ تبریز؛ پری آخته/ اردبیل؛ علی فرهاد/ تبریز؛ سلیمان جعفری/ تبریز

* نمرات برتر بخش داستان ترکی پس از نمرات برندگان؛ به ترتیب: 1- رسول حاتمی/ اردبیل 2- ربابه قلی‌زاده/ اردبیل 3- ثریا بابازاده/ اردبیل 4- فرانک انصاری/ اردبیل 5- رمضان کریم‌زاده/ مشگین شهر 6- صیاد نعیمی/ ملکان

پ ن:

۱- بنده نیز به این جشنواره شعر و داستان کوتاه ترکی ارسال کرده بودم اما به دلیل انتخاب شدنم به عنوان داور بخش شعر فارسی، آثار بنده از بخش مسابقه کنار گذاشته شد.

۲- برای دریافت اطلاعات بیشتر در مورد جزئیات جشنواره به وبلاگ انتشارات یایلیق مراجعه فرمایید.انتشارات یایلیق

" آلخاندو گنزالئس ایناریتو "  اوچون

بورا اردبیل دیر

بالیقلی چای

و یئددی گؤز کؤرپونون اوسته

اوز- اوزه گلیریک

سنی گؤردوک دن گؤزلریم ایشیق لانیر

دیله گلیرم:

" سالاملار سئوگیلیم، هله ده سئویرم سنی"

گؤزلرینی برلدیب:

    *“ I can not understand you “_

 _ " نه دئییرسن سئوگیلیم؟ دوشونمورم!!!"

**“Please don’t harass me” _

یولونو دوتوب گئدیرسن

ائله بیل کی تانیمیرسان منی

نییه؟

بیزکی بیر تپراق دا بیتمیشیک

بیر بولاق دان سو ایچمیشیک

وبیر دیل ده سئویشمیشیک

ایندیسه بیر – بیریمیزی دوشونموروک

تپراق دا دمیر بیتیب

بولاق لار قورویوب

وقزئت لرده

بیزیم سئوگی خبرینین یئرینه

آیری بیر تیتر گؤرونور:

"نمرودون کامانیندان آیریلان اوخ، آللاها قارشی گئدیر"

* دوشونمورم نه دئییرسیز

** لوطفن موزاحیم اولمایین

1390/10/22

آتام ایسته­ییردی شاعیر اولام

آنام اؤیکو*یه  یئریکله­دی

                              یازیچی اولدوم

آنجاق

آتا کاراکتئرینین بوش یئرینی

                                هئچ بیرزاد­لا دولدورا بیلمه­دیم

ناچارلیقدان

شئعر یازدیم

شئعرده

           آتانین بوش یئرینه

گول قویماق اولور

شام یاندیرماق اولور

و هئچ بیر زاد تاپمایاندا

                             ... قویماق اولور.

      *    *    *

آتام ایسته­ییردی شاعیر اولام

آنام اؤیکویه  یئریکله­دی

                             شاعیر اولدوم

ایندیسه بیلیرم

آتامین اؤلوم سببینی.

* داستان کوتاه

من سنی هربیر کیمسه دن چوخ سئویرم "

بو یازی لار شئعر دییل

سن اوخویاندا

اوره یین چیرپینمیر

اللرین اسمیر

گؤزلرین دولمور

تکجه دوداق لارین ترپه نیر

و "مهدی"  سؤزجوکونو تلففوظ ائدنده

اوره ییم چیرپینیر

اللریم اسیر

گؤزلریم دولور

و سنین جاوابیندا "جان" دیینده

دیلیم توتولور.

گؤرورسن؟

یازی دان قیراق نه گؤزل بیر شئعر یارانیر؟!!!

سانیرام

اونودماق اولارمی هر بیر شئیی

میصردن کئلئوپاترانی

ماکونده دن بوئندرانی

و کازابلانکادان سون سئکانسینی

ائله بیل

من اونودماغا یارانمیشام.

***

اینانیرام

اونودماق اولارمی هر بیر شئیی

اردبیلین سورو سون

سیسیل ین مالئناسین

و یونانین لئیلاسین *

آنجاق

اونودماق اولمور

دامارلاریمدا اوزن قیرمیزی بالایق لاری.

من

سنی اونودماماغا یارنمیشام.

* رسول یونانین لئیلا شئعرینه ایشاره

۱۳۹۰/۹/۲۵

مهدی آقازاده

بتمن، بیر قیز گئییمینده

ائله بیل خیاواندا آدام لوله سی پارتلاییب. جاماعات ایلان قورباغا کیمین قایناشیر،آنجاق بیرکس گلیب منه دئمیر بوردا نه جان وئریرسن. منده سسیمی آتیب باشیما اوخویورام: "فایتونچییام آتیم قارا / اؤزوم جاوان باختیم قارا / مینن دئییر سور بولوارا / آی دویغوم دویغوم دویغوم / آی دویغوم دویغوم  دویغوم." بیر آز مندن او طرفلیک رادیونین گزاریشکری دایانیب اودا من کیمین سسین اوجالدیب قیشقیریر: "حورمتلی ائشیدنلر بیزیم سسیمیزی اردبیلین موجسسمه مئیدانیندان ائشیدیرسیز، ایندی الیمیزه چاتان بیر خبره توجه ائدین،  نئچه ساعات بوندان قاباق ابراهیم تاتلیس تورکیه نین ان بویوک خواننده سی تانینماز بیر کیمسه نین الیله ترور اولدی. بیزیم کاناریمیزدا بیر زحمت کش فایتون چی دایانیب موسافیر گؤزله ییر گئدک گؤرک اونون نظری بو خبره گؤره ندیر"  گزاریشکر منه طرف گلیر.الیمین دالیلان آلنیمین ترینی سیلیب باش گؤزومه بیر ساحمان وئریرم. او حالدا مترو ایستگاهیندان بیر دسته آدام چیخیر. اونلارین ایچینده بیری گؤزومه شیرین چالیر. گزاریشکری قویوب قاچیرام ایستگاهین قاباغینا.

آمریکالی مهندیس لر گلیب اردبیل ده مئترو نقشه سینی چکیردیلر، او حالدا دوقتور ناییبی تزه شهردار اولموشدو. مهندیس لر شهرداریدا ناییبیه دئمیشدیلر مئتروون هر دورد خطی موجسسمه مئیدانیندا بیر بیرنه چاتاجاق و ناییبی ده " ایکی خط دن آرتیق بیر ایستگاه دا بیر بیرنه چاتماز" دئییب اونلاری شهرداریدان آتمیشدی چؤله.

نئچه گون اوندان سونرا شاه ایسماعیل چالدیران دؤیوشوندن قاییداندا ناییبی اونون سینیق سالخاق لشکرینین قاباغینا سارابا گئتمیشدی. مهندیس لر ناییبی نین شهرده اولماماغیندان قازانیب مئترووی اؤز دئدیک لری کیمین یاراتمیشدیلار. ناییبی ده گلندن سونرا داها الیندن بیر ایلش گلمه میشدی.

ناهار وقتی ایدی. خیاوانلاردا ایت اولاییردی، من ده اوخویوردوم: "فایتون چییام آتیم قارا / اؤزوم جاوان باختیم قارا / مینن دئییر". "سور ناراین قالایا" دئدی. باشیم دولاندیردیم گؤزوم دوشدو گؤزونه، قمچی الیمده قورودو، هئچ اینانمیردیم بئله بیر گؤزل قیز منیم فایتونوما مینه، ائبئیله تاکسی قالیب نییه گلیب منیم فایتونوما میندی. اوتغونا اوتغونا دئدیم: " باش اوسته". قمچی نی توولاییب آتا ووردوم. آت یولا دوشدو، گؤزوم قاباق دا ایدی آنجاق فیکریم دالدا. هئچ بیلمه دیم هاچان یئتیشدیک نارین قالایا، استیردیم سوزون باشینی آچیب کیملی یینی و آدینی سوروشام آنجاق اوحالدا موبایلی زنگ چالدی: "اونوتماکی دونیا فانی/ وئرن آلله آلیر جانی/ من ناسیل اونوتوروم سنی جان بد"

نه ائدیرم اونودا بیلمیرم، اونوداندادا گوزلویونو گؤرورم گؤزل گؤزلری گؤیلومه دوشور.

ها جان آتدیم سؤزو قورتارا تا من سؤزومو باشلایام آنجاق یئتیشدیک نارین قالایا، موبایل لان دانیشا – دانیشا تله سیی لی دوشدو، آرتیقجا پول آتدی فایتونون ایچینه، باشینی دولاندیرمایاق دئدی: " گون باتان چاغی بوردا اول".

قاچا – قاچا گئتدی قالانین قاباغینا، قاپی دا دایانان ایکی قیزیل باش بونو گؤرجه یین خبر دار دایانیب، نیظامی ائحتیرام ائتیدیلر و اودا اونلارین جاوابین وئره رک گیردی ایچه رییه.

 اوجورکی موبایلدا دانیشیردی بیر یازیچی ایدی و نارین قالادا قورولان اویکو ییغینجاغینا گئدیردی. آنجاق نه یه گؤره او قیزیل باش لار اونا ائحتیرام ائتدیلر، مه یر یازیچی لار بوردا بئکار و ارزیش سیز آدام ساییلمیرلار؟ دوزوسو پات لئتینه ده یئمیردی یازیچی اولا، بیر قارا مانتو گئیمیشدی و اوستوندن ده بیر قیرمیزی شئنئل سالمیشدی، قارا ساچلارینی گؤی شالینین آلتیندان تؤکموشدو گؤزلویونون اوستونه.اوزاقدان باخاندا بتمن لن توک ویرمیردی. گؤزلویو آنجاق یازیچی گؤزلویو ایدی، بو گؤزلوک لری یازیچی لار پوز وئرمک ایچین وورورلار.

دوقتور ناییبی سرهنگ ارفعه دستور وئرمیشدی بوتون فایتون لاری تؤکوردولر بالیقلی چایا و یئرینه تاکسی قویوردولار. من چایین قیراغیجا قاچدیم و شهرین چیخاجاغیندا چایین درین لییی آزالان یئرده پئنجعالی نین فایتونون دوتدوم.  اوچ دفعه سسله دیم: "آی بو فایتونون یییه سی" هیچ بیر کیمسه دن خبر چیخمایاندا فایتونو اؤزومه گؤتوردم. بو ایشی شاعیر دوستلاریمین بیریندن اؤیرنمیشم. او اینتئرنئتدن شئعیر تاپاپاندا اوچ دفعه سسله ییر و ییه سی چیخمایاندا اؤز آدینا وورور. فایتونو گتیریب ائوده سیلیب قوروتدوم. پئنجعالی نئچه گوندن سونرا دوشوب قاپی به قاپی فایتونونو آختاریردی آنجاق قمچی لرینین یئری هله ده اوزوم ده قالاراق هئچ اوره ییم گلمه دی فایتونو اونا وئرم. آپاردیم قونشوموزون یئرآلما آنباریندا گیزلتدیم.

پئنجعالینین فایتونو شهرین ان گؤزل فایتونو ایدی، دئییردیلر اورسیه ت ده آنتوان چخوف آدلی بیر کیشی دن آلمیشدی. بیزیم هامی میزین گؤیلو اسیتیردی اونون فایتونونا مینک آنجاق پولوموز آز اولدوغونا گؤره بیزلری دالا میندیرردی. ایاق اوسته دایاناردیق، قمچی نی توولاییب آتا ویراندا ده یردی بیزیم گؤز باشیمیزا بیزده یئره دوشندن سونرا اوشاق لاریلان سس – سسه وئریب قیشقیراردیق: "آت نالی ائششک نالی/ قارنی یوغون پئنجعالی" گونده همن آش دی همن کاسا.

نئچه هفته دن سونرا شهرداری پئنجعالییا بیر ماسکوویت تاکسی وئردی و داها اودا فایتونون فیکرینی باشیندان آتدی.

هله گونون باتماغینا اوچ ساعات قالیردی، تئز فایتونو ائوه طرف سوروب قاییتدیم، ائوده حاماما دوشوب اوزومو ایصلاح ائدیب بیر دست تزه پالتار گئیدیم، کمد دان ادکلن گؤتوروب اوستومه ووردوم. آینا قاباغیندا باشیما سئشووار دوتوب باشیمی فشئن دارایان حالدا آینادا آنامی گؤردوم داینیب دالیم قالتدا و گؤزلرینی برلدیب منه باخیر، قاییتدیم دالا الینده بیر گؤزلوک گؤردوم، کئچیب ساغ طرفیمده دایانیب، "بو کیمین دی" دئدی. بیردن یادیما دوشدو. الیمین ایچی له برک آلنیما ووروب " وای گؤزلویو قالیب" دئدیم. آنام لاپ چوخ اوز – گؤزونو بوزوشدوروب "دئدیم کیمین دی" دئدی.

" موسافیر لریمین بیرینین دی آنا"

" حتمن ده قیزدی "

"هه، نئجه؟ مه یر قیز موسافیریم اولمئی؟"

" یوخه سن بویون بوجور – موجور ترپه شیر سن، سن بو واخت ائوه گلمز دین، ایندی گلیب باش گؤزووه یئتیشیب سن، هله نییه اوجور باشوا چیرپدین بو گوزلویو گؤرجه یین، سن ده بیر ایش وار فیتنه"

سؤزو بوروشدوروب تئز گؤزلویو الیندن آلیب ائودن چیخدیم چؤله، دالیمجان آنامین سسینی ائشیدیردیم: "آمان آلله بو باشسیز ییه سیز قیزلار بو گئده نی یولدان چیخارتدیلارا"

 یاواش – یاواش شفق قارالیردی، اؤزومو یئتیردیم نارین قالانین قاباغینا، گؤزومو تیکمیشدیم قالانین قاپی سی نا،هاوا قارنلیق لاییردی آنجاق هئچ بیر کیمسه قالادان چؤله چیخمیردی، یاواش – یاواش دیل آلتیی میزیلدانیردیم: "شفق قارالدی گلمه دی"  شئعیرین قالانی نیدا بیلمیردیم و تکجه تئز – تئز بو جومله نی نؤحه هاواسیندا تیکرار ائدیردیم.

هاوا قارانلیقلامیشدی آنجاق نارین قالا دان بیر خبر یوخ ایدی، قالابیلمه دیم فایتون دان دوشوب گئتدیم قالانین قاباغینداکی نیگهبان لار دان سوروشام آنجاق اونلار منی هربله ییب قوودولار. اوقدر دایاندیم تا شهرین بایقوش لاری دا یوخلادیلار آنجاق او قیز گلمه دی  قاییتدیم ائوه. گؤزلویونو اؤپوب قویدوم تاخچایا یاتدیم.

دوقتور ناییبی تزه بیر مریض لیک دوتموشدو، هرگون ناهار واختی باشی شیشیردی و اوز – گؤزو قیزاریردی، ایران دا هئچ بیر حکیم اونون دردینه چاره تاپا بیلمه میشدی و اونو یوللادیلار آمریکا حکیم لرینیبن اوستونه. اوردا آمریکالی حکیم لر چوخلو آزماییش دن سونرا دئمیشدیلر: " سنین هئچ بیر مریض لییین یوخدو و تکجه کراوات وورماقدان دی. کراوات بوینویون دامارلارین سیخیر و باشووا قان چاتیمر". ناییبی آمریکا دان قاییداندان سونرا داها کراوات ویرمیر و سرهنگ ارفعه دستور وئریب بوتون کراوات لاری تؤکسون بالیقلی چایا و بوتون پالتار ساتان توکان لارین تابلوسیندان کراوات لاری اسپری له قارالاییر لار. ایندیسه کراوات یاساق لیغی قاباغا گلندن داها فایتون لار لان ایش لری یوخدو و من ده پئنجعالی دان پای چاتان فایتون لا ایشله ییرم.

گؤزلویونو الیمه گؤتوروب  فایتونو سورورم بوردان اورا – اوردان بورا، بوتون خیاوانلاری گؤزوم گزیر. لا اقل آدینی دا بیلمیرم. آمما اوشاقلیغیمدان آیدا آدیندان خوشوم گلیر. کئشکه آدی آیدا اولا.

او گونون ساباحی خالق آراسینا بیر سؤز دوشموشدو:" شاه ایسماعیل گیزلینجه بتمنی گتیریب عثمانی لارین سگگیزینه دوققوز چیخاردا."  "یوللاییب عثمانی ارتئشینین باشچیلاریندان بیر نئچه سین ترور ائده." بو سؤز لری مردم امنیه لردن قورخا – قورخا بیر- بیرنه دئیردیلر آنجاق هیچ بیر کیمسه دوزلویونوه ایطمینان وئرمیردی.

ناهار واقتی دایانیرام موجسسمه مئیدانیندا گؤزومو تیکیرم مئترو ایستگاهینا و آخشام اوستوده نارین قالانین قالباغیندا کئشیک چکیرم. گاهدان دا موجسسمه ده دایانیب مئیداندان دولانان ماشین لاری ساییرام. دونن ناهار ساعات 2 ده موجسسمه دن چئشمه باشینا طرف هر دقیقه ده 18 دستگاه ماشین گئدیردی آنجاق آیدانی 18 گوندو گؤرمه میشم.

ائله بیل خیاواندا آدام لوله سی پارتلاییب. جاماعات ایلان قورباغا کیمین قایناشیر،آنجاق بیرکس گلیب منه دئمیر بوردا نه جان وئریرسن. منده سسیمی آتیب باشیما اوخورام: "فایتونچییام آتیم قارا / اؤزوم جاوان باختیم قارا / مینن دئییر سور بولوارا / آی دویغوم دویغوم دویغوم / آی دویغوم دویغوم  دویغوم." بیر آز مندن او طرفلیک رادیونین گزاریشکری دایانیب اودا من تکین سسین اوجالدیب قیشقیریر: "حورمتلی ائشیدنلر بیزیم سسیمیزی اردبیلین موجسسمه مئیدانیندان ائشیدیرسیز، ایندی الیمیزه چاتان بیر خبره توجه ائدین..."

مهدی آقازاده

به گریه کردن یک مرد آن ور گوشی       /  به شعر خواندن تا صبح بی هم آغوشی

به گریه در وسط شعرهایی از سعدی   /  به چای خوردن تو پیش آدم بعدی 

(سید مهدی موسوی) 

علی نوری دئییر:

                      "  گالیله "

منسه دئییرم

افلاطونون سؤزو دوز چیخیب

                                سئوگی بیر بیریمیزه چاتماماغ ایمیش

او آنلارکی سن

یئنی سئوگیلین ایله سئویشیرسن

من سنین سسینی اونودورام

بوتون خاطیره لردن

گون لردن

ساعات لاردان / آسلانیرام 

دایانسینلار

بیرده سنی سئویم

سونرا اونودوم سسینی / آدینی

                         داها  قورآن دا دا گؤرنده دیهسینمیرم

                                                                  باخ

" والیل   اذا یغشی #  والنهار اذا تجلی #  وماخلق الذکر والانثی "

گؤردون

هئچ بیر زاد اولمادی

آما

آدام لار هوپ توتور

تکجه یئل لر اسیر

سسینی یئتیریر منه

و من

آیری بیر مهدی نین اولوغونو بیله رک

باشیمی دولاندیریب

                        سنی آختاریرام

کئچمیش گونلریمدن

اویکو لریمدن

شئعر لریمدن

                و آتام نیظامی نین گنجه لریندن.

علی نوری دئییر:

                  " سن ساغدان گئدرسن، منسه سولدان

                   دئییرلر گالیله نین فرضیه سی دوز چیخیب

                  ائله جه من بیرده گؤره رم سنی "

آما من

بوتون قانون لاری تانیرام

و بوخیاوانین بیر طرفلی اولودوغونو بیلیرم

و تکجه  بیر طوی ماشینین دان سونرا

                         هئچ بیر کیمسه نین قاباق دان گلمه سینه دوشونورم

طوی ماشین لاریندان آجیغیم گلیر

اؤزومون اؤزومدن آجیغیم گلیر

بوتون مهدی آدلی آداملاردان

هئندسه قانون لاریندان

                             و ایکی یاناشی خطین بیر بیرینه چاتماماغیندان

بوتون خط لردن آجیغیم گلیر

آنجاق

بیر قیرمیزی سی بیلنگیمده بیتیر

                                  و اوجومدا بیر آل دنیز

سنی دامار لاریمدان آختاریرام

قیرمیزی چایلاردان

خسته خانالاردان

بخیه لرین آردیندان

و دونیا نین تام قزئت لریندن

                          او زامان کی

اردبیل شهرینده یئنی بیر مجنونون اؤز بیلنگینی آتدیرما خبرین یاییللار

 علی نوری دئییر :

                     " گالیله "

منسه ناتوریالیسم اولوب گؤز تیکیرم

                                     حئران گردنه سی نین بوز باغلاماسینا

                                    و سنی آپاران اوتوبوسون دایانماسینا

ناتوریالیسم لرین سؤزو دوز چیخمیر

آتان خئیر –  دوعا وئریر

                            " ائولی ائشیک لی اولاسان..."

منی آغلاماق توتور

                     سنی گولمک

آنجاق بیلمه ییر سن 

                       " از باغ می برند چراغانی ات کنند

                         تا کاج جشن های زمستانی ات کنند

                        یوسف به این رها شدن از چاه دل نبند

                        اینبار می برند که زندانی ات کنند "

علی نوری دئییر: 

                      " گالیله "

منسه دئییرم افلاطونون سؤزو دوز چیخیب

                        سئوگی، بیر بیریمیزه چاتماماغ ایمیش 

اما اوره ییم گوپپولداییر

                         یوخ خ خ

                         یوخ خ خ

                         یوخ خ خ

افلاطونون سؤزونه یوخ

                       سنین آنارشیست اولدوغونا اینانیرام

                       و بوتون قانون لاری سیندیرماغینا

 علی دئییر:

                   " گالیله "

من دئییرم:

              " سن "

سن دئییرسن:

              " افلاطون "

و من دئییرم:

               " سون "

آما شئعرین باشینی باغلامیرام

و ایکی نوقطه قویوب

بیرینین اوسونده اوتورو رام

و اوبیری سینده سنین ایچین ساخلاییبب

یولونو گوزله ییرم

بیلیرم کی  

                 قاییداجاق سان  

                 قاییداجاق سان   

                 قاییداجاق سان  ..                             

1390 / 6 / 30